_edited.png)
انهاردة هنتكلم عن مؤشر مهم لأي صاحب مشروع، سواء كان صغير أو كبير، وهو نسبة النقد (Cash Ratio). و اللي عاملة زي عداد سرعة الجري بالنسبة للمشروع بتاعك. بتوريك قدرة مشروعك على سداد الالتزامات قصيرة الأجل (زي الفواتير) بسرعة من خلال الأصول اللي تقدر تتحول لفلوس في نفس الفترة.
بمعنى أوضح:
تخيل إن عندك محل ملابس و عارف إنك بتشتري بضاعة من الموردين و بتخزنها في المخزن و بتبيعها للزباين كل يوم. نسبة النقد بتقولك مدي سرعة استجابة مشروعك للالتزامات قصيرة الأجل (الفلوس اللي لازم تدفعها للموردين). كلما نسبة النقد كانت أكبر، كل ما مشروعك كان أسرع في توفير الفلوس لسداد الالتزامات.
حساب نسبة النقد بسيط:
نسبة النقد = الأصول المتداولة / الالتزامات قصيرة الأجل
مثال:
الأصول المتداولة = 100,000 جنيه (فلوس كاش + بضاعة جاهزة للبيع)
الالتزامات قصيرة الأجل = 50,000 جنيه (ديون للموردين)
نسبة النقد = 100,000 / 50,000 = 2
يعني كده، كل جنيه التزام قصير الأجل تقدر تسدده باثنين جنيه من الأصول المتداولة. كل ما الرقم أكبر، كلما سيولة الشركة كانت أفضل.
طب ازاي تحسب نسبة النقد في الإكسل:
ببساطة، حط الأصول المتداولة في خلية و الالتزامات قصيرة الأجل في خلية تانية. بعدين اكتب معادلة نسبة النقد في خلية ثالثة (الأصول المتداولة / الالتزامات قصيرة الأجل). و إكسل هيحسب النسبة تلقائي.
امتى ممكن تستخدم نسبة النقد؟
لما تفكر تاخد قرض: البنوك بتستخدم نسبة النقد عشان تتأكد من قدرتك على سداد القرض.
لما بتحلل المركز المالي لشركة: بتساعدك تِفهم سيولة الشركة وقدرتها على الوفاء بالتزاماتها.
لما بتقارن بين شركتين: تقدر تقارن نسبة النقد بين شركتين منافستين عشان تشوف مين فيهم قدرته أعلي على سداد الالتزامات بسرعة.
طب نسبة النقد تقدر تقولنا إيه؟
نسبة النقد المرتفعة: بتقول إن الشركة عندها سيولة عالية وقدرات زيادة للإنتاج والمخزون، و ممكن كمان تقولنا إن الشركة مش مستغلة كل مواردها بشكل كويس.
نسبة النقد المنخفضة: بتقول إن الشركة عندها صعوبة في سداد الالتزامات قصيرة الأجل، وممكن تتعرض لضغوط مالية.
هل فيه حدود / معوقات لنسبة النقد:
مفيش نسبة نموذجية أو مثالية لكل الشركات. النسبة المناسبة بتختلف حسب طبيعة النشاط التجاري. على سبيل المثال، شركات السوبر ماركت محتاجة نسبة نقد أعلى من شركات البترول.
خاتمة:
نسبة النقد مؤشر مهم جداً بيساعد أصحاب المشاريع يفهموا سيولة مشروعهم وقدرتهم على سداد الالتزامات. بالتالي لازم تبقي فاهم كويس أوي نسبة النقد لأنها هتخليك تدير مشروعك أحسن وتتأكد من توفير سيولة كفاية لتفادي أي ضغوط مالية.
Comments